Avtomobillərin təmiri sexində baş verən yanğın nəticəsində “Mercedes” yanıb
03 oktyabr 2007 11:39 (UTC +04:00)
Binəqədi rayonundakı avtomobillərin təmiri sexində yanğın baş verib. Daxili İşlər Nazirliyinin mətbuat xidmətindən APA-ya verilən məlumata görə, Binəqədi rayonundakı “Azərneftkimyamaş” ASC-yə məxsus Təcrübə Sınaq Zavodunun ərazisindəki avtomobillərin təmiri sexində “Mercedes” markalı avtomaşında yanğın baş verib. Nəticədə avtomaşının yanar konstruksiyaları yanıb, orada usta işləyən Abbas Həsənov yanıq xəsarəti ilə xəstəxanaya yerləşdirilib. Faktla bağlı araşdırmalar aparılır. /APA/