Qəbələdə maşın ağaca çırpılıb, 17 yaşlı sürücü ölüb

Qəbələdə maşın ağaca çırpılıb, 17 yaşlı sürücü ölüb
  • Clock-gray 09:39
  • calendar-gray 06 Fevral 2020

Qəbələdə ölümlə nəticələnən yol-nəqliyyat hadisəsi baş verib.

APA-nın məlumatına görə, hadisə ötən gün saat 21:45 radələrində Qaraməryəm-İsmayıllı-Şəki yolunun Qəbələ rayonundan keçən ərazisində qeydə alınıb. Qəbələ rayon, Vəndam qəsəbə sakini, 2003-cü il təvəllüdlü Lətifli Ramin Asəf oğlu idarə etdiyi “Nissan Sunny” markalı avtomobillə İsmayıllı istiqamətində hərəkətdə olarkən idarəetməni itirərək avtomobili yolun sağ kənarında olan ağaca çırpıb.

Nəticədə sürücü R. Lətifli aldığı xəsarətlərdən hadisə yerində ölüb, avtomobildə olan sərnişin, Qəbələ rayon Vəndam qəsəbə sakini, 2001-ci il təvəllüdlü Xəlilov Şəhriyar Mübariz oğlu müxtəlif bədən xəsarətləri ilə Qəbələ rayon Mərkəzi Xəstəxanasına yerləşdirilib.

Faktla bağlı cinayət işi başlanıb, araşdırma aparılır.

 

Səlcuq Elçin

Digər xəbərlər

Arxiv

date