Sumqayıtda yük maşını dəmir arakəsməyə çırpılıb: ölənlər var - YENİLƏNİB-2 - FOTO

Sumqayıtda yük maşını dəmir arakəsməyə çırpılıb: ölənlər var - YENİLƏNİB-2 - FOTO
  • Clock-gray 11:30
  • calendar-gray 17 Dekabr 2019

Xəbərə fotolar əlavə edilib

***

Saat 09:39

Fövqəladə Hallar Nazirliyi Sumqayıtda baş verən qəza ilə bağlı məlumat yayıb.

APA-nın nazirliyin saytına istinadən xəbərinə görə, "112" qaynar telefon xəttinə daxil olan məlumata əsasən, Sumqayıt şəhərində "Shacman" markalı yük avtomobili yol kənarına aşıb. Hadisə yerinə cəlb olunan Sumqayıt Regional Mərkəzinin xilasetmə qüvvələri sürücü 1989-cu il təvəllüdlü Nəsibov Elvin Qəzənfər oğlunun və sərnişin 1984-cü il təvəllüdlü Rəhimov Rəşad Xaləddin oğlunun meyitlərini deformasiyaya uğrayan nəqliyyat vasitəsindən çıxararaq aidiyyəti üzrə təhvil veriblər.

***

Saat 09:22

Sumqayıtda qəzada ölən şəxslərin şəxsiyyəti dəqiqləşib.

APA-nın yerli bürosunun məlumatına görə, bunlar 1989-cu il təvəllüdlü Nəsibov Eldar Qəzənfər oğlu (sürücü) və 1984-cü il təvəllüdlü Rəhimov Rəşad Xaləddin oğludur (sərnişin).

***

Saat 09:15

Sumqayıtda ölümlə nəticələnən yol-nəqliyyat hadisəsi baş verib.

APA-nın yerli bürosunun məlumatına görə, qəza “Sumqayıt stansiyası” yaşayış massivindən keçən avtomobil yolunda qeydə alınıb. Belə ki, "MAZ" markalı betonqarışdıran yük maşınının sürücüsü idarəetməni itirərək avtomobili yol kənarındakı dəmir arakəsməyə çırpıb. Nəticədə yük maşını aşıb, sürücü və onun sərnişini ölüb. İlkin ehtimala görə, qəzaya sürücünün yuxulu olması səbəb olub. Ölənlərin şəxsiyyəti dəqiqləşdirilir, onlar aidiyyəti üzrə təhvil veriliblər.

Faktla bağlı araşdırma aparılır.

 

Ramil Zeynallı

Digər xəbərlər

Arxiv

date