Qubada 2 nəfərin ölümü ilə nəticələnən yol-nəqliyyat hadisəsi ilə bağlı cinayət işi başlanıb.
APA-nın məlumatına görə, rayonun Söhüb kəndində "Azərişıq" ASC-nin Quba şöbəsinin əməkdaşlarının olduğu "UAZ" markalı, 10 JF 130 dövlət nömrə nişanlı avtomobil aşıb. Nəticədə Zahid Qurbanov və Namiq Rüstəmov ölüb. Daha iki nəfər - Azər Abdullayev və İlkin Rəsulov xəsarət alıb.
Həmin faktla bağlı Quba Rayon Polis Şöbəsində Cinayət Məcəlləsinin 263.3-cü (yol hərəkəti qaydalarını pozma - iki və daha artıq şəxsin ölümünə səbəb olduqda) maddəsi ilə cinayət işi başlanıb, istintaq tədbirləri davam etdirilir.