Bakıda arvadını öldürməyə cəhddə təqsirləndirilən Namiq Rəsulovun cinayət işi üzrə məhkəmə prosesi yekunlaşıb.
APA xəbər verir ki, Bakı Ağır Cinayətlər Məhkəməsində hakim Əli Məmmədovun sədrliyi ilə keçirilən prosesdə hökm oxunub.
Hökmə əsasən, Namiq Rəsulov 7 il 10 ay 15 gün azadlıqdan məhrum edilib.
Qeyd edək ki, hadisə bu il mayın 28-də saat 23 radələrində Xəzər rayonu Mərdəkan qəsəbəsində qeydə alınıb.
Ailə münaqişəsi zəminində Namiq Rəsulov həyat yoldaşı Fərqanə Rəsulovaya bıçaq xəsarətləri yetirib. Namiq Rəsulov daha sonra özünə bıçaq xəsarətləri vurub. Hər iki şəxsi xilas etmək mümkün olub.
Namiq Rəsulova Cinayət Məcəlləsinin 29.120-ci (qəsdən adam öldürməyə cəhd) maddəsi ilə ittiham verilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
