Masallıda üç nəfərin ölümü ilə nəticələnən yanğında xəsarət alanlar da olub.
APA-nın Cənub bürosunun məlumatına görə, hadisə zamanı iki nəfər müxtəlif dərəcəli yanıq xəsarətləri alıb.
Onlar Masallı Rayon Mərkəzi Xəstəxanasına yerləşdiriliblər.
Xəsarət alanlar 1959-cu il təvəllüdlü Nərminə Kərim qızı Kəlbiyeva və ailəyə qonaq gələn Rusiya vətəndaşı - 1991-ci il təvəllüdlü İsmayıl Süleyman oğlu Abbasovdur.
O, ikinci mərtəbədən aşağı tullandığından müxtəlif dərəcəli travmalar da alıb.
***
Saat 01:54
Masallı rayonunun Hüseynhacılı kəndində baş verən yanğının təfərrüatları bəlli olub.
APA - nın Cənub bürosunun verdiyi məlumata görə, yanğın 1951 - ci il təvəllüdlü Kəlbiyev Alim İbad oğluna məxsus, sahəsi 300 kvadratmetr olan evdə baş verib.
Yanğın 2 mərtəbəli evin 1 ci mərtəbəsindən başlayıb.
Nəticədə ana 1984-cü il təvəllüdlü Kəlbiyeva Gülnaz və övladları - 2012 ci il təvəllüdlü Kəlbizadə Elbrus Elmar oğlu və 2011 ci il təvəllüdlü Kəlbizadə Elgiz Elmar oğlu yanaraq ölüblər.
Hadisə yerinə Masallı Rayon Yanğından Mühafizə Hissəsinin 3 və Göytəpə Yanğından Mühafizə Hissəsinin 1 texnikası və canlı qüvvəsi cəlb olunub.
300 kvadratmetr evin 200 kvadratmetr hissəsi yanıb.
İlkin ehtimala görə yanğın şamdan baş verib.
Belə ki kənddə işıq söndüyündən şam yandıran ev sakinləri daha sonra onu nəzarətsiz qoyaraq yatıb.
Hazırda rayon hüquq mühafizə orqanlarının əməkdaşları hadisə yerindədir.
Yanğının dəqiq baş vermə səbəbləri araşdırılır.
***
Saat 01:17
Masallı rayonunun Hüseynhacılı kəndində yanğın baş verib.
APA - nın Cənub bürosunun verdiyi məlumata görə, hadisə nəticəsində 3 nəfər ölüb.
Ölən şəxslər ana və 2 azyaşlı övladı olub.
İlkin Rzayev
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
