Mingəçevirdə saxlanılan avtoxuliqan bir il müddətinə sürücülük hüququndan məhrum edilib.
Bu barədə APA-nın Mingəçevir bürosuna Daxili İşlər Nazirliyinin Mətbuat Xidmətinin Şəki regional qrupundan məlumat verilib.
Qeyd olunub ki, DYP şəhər bölməsi tərəfindən avtoxuliqanlıqlıqla məşğul olan sürücü saxlanılaraq barəsində inzibati hüquqi tədbir görülüb.
DYP şəhər bölməsinin rəisi, polis mayoru Cəmşid Abbasov “VAZ 2107” markalı minik maşınının sürücüsünün vaxtaşırı şəhər yollarında avtoxuliqanlıq edərək nəqliyyatın və piyadaların hərəkətinə təhlükə yaratdığı bildirib: “Sürücü, 1995-ci ilə təvəllüdlü sürücü Murad Mustafa oğlu Babayevə dəfələrlə etdiyimiz xəbərdarlıqlara baxmayaraq avtoxuliqanlıq hərəkətlərini davam etdirib. Nəticəsində o, saxlanılıb və barəsində inzibati ölçü götürülüb. Murad Babayev 15 sutka müddətinə həbs olunmaqla yanaşı, bir il müddətinə sürücülük hüququndan məhrum edilib”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
