Bu ilin yanvar-iyul aylarında Naxçıvan Muxtar Respublikada informasiya və rabitə xidmətlərinin gəlirləri 31,2 milyon manat təşkil edib.
“APA-Economics”in Naxçıvan Dövlət Statistika Komitəsinə istinadən verdiyi məlumata görə, bu, ötən ilin müvafiq dövründəki xidmətlərin dəyəri ilə müqayisədə 3,8% çoxdur. Cari ilin 7 ayı ərzində mobil rabitə xidmətinin gəlirləri 25,21 milyon manat təşkil edib ki, bu da ötən ilin müvafiq dövrü ilə müqayisədə 2,3% çoxdur.