Bu ilin yayında Parisdə Notr-Dam kafedralına həsr olunmuş sərgi açılacaq.
APA-nın “TASS”a istinadən verdiyi xəbərə görə, sərgidə yanğın zamanı ciddi zərər görmüş kilsənin incəsənət əsərləri və dini sərvətləri nümayiş olunacaq.
Hazırlıqlarına başlanılan sərgi “Yenidən Notr-Damı görmək. Kilsənin inciləri divarlarından kənarda” adlanır. Ekspozisiya kilsə yaxınlığında yerləşən Hotel-Dieuda nümayiş olunacaq.
Sərgiyə giriş sərbəst olacaq. Lakin arzulayanlar xeyriyyə məqsədi ilə ianə ödəyə biləcəklər.
Ekspozisiyada kilsə incəsənətinə, eləcə də katolik kilsəsinə aid 150 eksponat nümayiş ediləcək. Bundan başqa, yanğın zamanı uçmuş şpilin zirvəsini bəzəyən məşhur metal xoruz fiquru da nümayiş olunan eksponatlar arasında yer alacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
