Martın 14-də Heydər Əliyev Sarayında görkəmli bəstəkar, xalq artisti Səid Rüstəmovun mahnılarından ibarət konsert keçiriləcək.
Sarayın mətbuat xidmətindən APA-ya verilən məlumata görə, konsertdə xalq artistləri Nəzakət Teymurova, Azər Zeynalov, Gülyaz Məmmədova, Samir Cəfərov, Gülyanaq Məmmədova, əməkdar artistlər İlqar Muradov, Lalə Məmmədova, Anar Şuşalı, Almaz Orucova, Teyyub Aslanov, Zöhrə Abdullayeva, Ehtiram Hüseynov, tanınmış ifaçılar Nadir Qafarzadə, Sərxan Bünyadzadə, Xəyyam Nisanov və başqaları iştirak edəcəklər. Konsertdə sevilən müğənnilərin ifasında bəstəkarın unudulmaz mahnılarını səsləndiriləcək.
İfaçıları Azərbaycan Televiziyası və Radiosunun Səid Rüstəmov adına xalq çalğı alətləri orkestri və Azərbaycan Televiziya və Radiosunun Niyazi adına simfonik orkestri müşayiət edəcək.
Saat 19:00-da başlayacaq konsertin biletləri 10-60 manatdır.
Qeyd edək ki, “APA Holding” konsertin informasiya dəstəkçisidir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
