Azərbaycana mobil telefonların idxalı avqustda kəskin artıb

Azərbaycana mobil telefonların idxalı avqustda kəskin artıb
  • Clock-gray 10:25
  • calendar-gray 13 Oktyabr 2020

Bu ilin avqust ayında Azərbaycana 183 471 ədəd mobil və ya başqa simsiz rabitə şəbəkəsi üçün telefon aparatları idxal olunub.

Bu barədə "APA-Economics"ə Dövlət Statistika Komitəsindən bildirilib.

Komitədən verilən məlumata görə, iyul ayı ilə müqayisədə avqustda idxal 66,2% artıb. Avqust ayında idxal olunan məhsulların dəyəri 22 487,1 min ABŞ dolları təşkil edib ki, bu da iyul ayının göstəricisi ilə müqayisədə 70% çoxdur.

Həmçinin bildirilib ki, ümumilikdə bu ilin yanvar-avqust aylarında ölkəyə 917 536 ədəd mobil qurğu idxal olunub. Ötən ilin eyni dövrü ilə müqayisədə idxalın artımı 8% təşkil edib. Bu ilin səkkiz ayında idxal olunan məhsulların dəyəri 121 480,7 min dollar təşkil edib ki, bu da ötən ilin yanvar-avqust aylarının göstəricisini 21,5% üstələyir.

Qeyd edək ki, sentyabrın 21-dən etibarən Azərbaycanda şəxsi istifadə üçün malların gətirilməsi qaydaları sərtləşdirilib.

Hüseyn Vəliyev

Digər xəbərlər