"Azərişıq" sərt karantin günlərində gücləndirilmiş rejimdə işləyəcək

"Azərişıq" sərt karantin günlərində gücləndirilmiş rejimdə işləyəcək
  • Clock-gray 17:26
  • calendar-gray 10 İyun 2020

Azərbaycan Respublikası Nazirlər kabineti yanında Operativ Qərargahın 14 iyun saat 00:00-dan 16 iyun 06:00-dək Bakı, Gəncə, Lənkəran və Sumqayıt şəhərlərində, Abşeron, Yevlax, İsmayıllı, Kürdəmir və Salyan rayonlarında sərt karantin rejimi tətbiqi ilə əlaqədar olaraq “Azərişıq” ASC qarşıdakı günlər ərzində də gücləndirilmiş iş rejimini davam etdirəcək. 

ASC-dən “APA-Economics”ə verilən məlumata görə, əhalinin fasiləsiz enerji təchizatının təmin olunması məqsədilə texniki və təşkilatı tədbirlər görülüb.

Abonentlərimizdən xahiş edirik ki, hər hansı bir qəza halı yaranarsa 24 saat fasiləsiz fəaliyyət göstərən 199 Çağrı mərkəzi ilə əlaqə saxlasınlar”.

İstehlakçılar pandemiya dövründə ödənişləri onlayn qaydada, evdən çıxmadan həyata keçirə bilər. Bunun üçün ASC-nin rəsmi saytında (azerishiq.az) ödəniş etmək mümkündür. 

 

Hüseyn Vəliyev

Digər xəbərlər