Seçkilərdən sonra biz İranla razılaşma əldə edə biləcəyik.
APA xəbər verir ki, bunu ABŞ Prezidenti Donald Tramp BMT Baş Assambleyasının 81-ci sessiyasında çıxışı zamanı deyib.
“Gələcəyə dair böyük ümidlər var. Amma düşünürəm ki, seçkilərdən sonra biz razılaşma əldə edə biləcəyik. Çünki onların mənimlə razılaşmamaq üçün heç bir əsası yoxdur”, – Tramp qeyd edib.
O bildirib ki, qarşı tərəf aralıq seçkiləri və onun nəticələrini gözləyir.
“Mənim üçün yeganə vacib məsələ İranın nüvə silahına sahib olmamasıdır”, – ABŞ Prezidenti deyib.
Tramp, həmçinin ABŞ-ın sursat ehtiyatları ilə bağlı iddialara münasibət bildirib.
“Xainlər məmnuniyyətlə deyirlər ki, Birləşmiş Ştatlar sayıqlığı qorumağı dayandırıb. Onların kifayət qədər sursatı yoxdur, amma bu, belə deyil”, – o bildirib.
Tramp ABŞ-da sursat istehsalının böyük miqyasda həyata keçirildiyini vurğulayıb: “Biz nəhəng miqyasda sursat istehsal edirik, ehtiyatlarımızı yeniləyirik və bunu keçmişdə heç vaxt olmadığı qədər sürətlə həyata keçiririk. Bundan əlavə, sursat istehsalı ilə bağlı planlarımız da işə salınacaq”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
