Böyük Britaniya Birləşmiş Ərəb Əmirlikləri (BƏƏ), Burundi və Ruandadan ölkəyə girişi qadağan edib.
"APA-Economics"in RBK-ya istinadən verdiyi məlumata görə, bu barədə Böyük Britaniyanın Nəqliyyat Nazirliyinin açıqlamasında deyilir.
Nazirlik sözügedən addımı ilk dəfə Cənubi Afrika Respublikasında aşkarlanan koronavirusun yeni ştammının yayılmasının qarşısını almaq məqsədilə atıldığını bildirir.
Qadağa Birləşmiş Krallıq vətəndaşlarına və ölkədə yaşamaq hüququ olan əcnəbilərə şamil edilmir, lakin bu ölkələrdə qalacaqları təqdirdə onlardan 10 gün özlərini təcrid etmələri tələb olunur və hətta mənfi koronavirus testinin nəticəsi bu rejimdən çəkinmək hüququ vermir.
Böyük Britaniyanın nəqliyyat naziri Qrant Şapps "Twitter" səhifəsində qeyd edib ki, mənfi test və girişdə xüsusi ziyarətçi forması olmadığı təqdirdə sərnişinlər 500 funt sterlinq məbləğində cərimə olunacaqlar.
Hava səyahəti məlumatlarının emalı ilə məşğul olan Britaniyanın "OAG Aviation Worldwide" tədqiqat təşkilatının məlumatına görə, Dubay-London aviareysi 2021-ci ilin yanvarında ən işlək beynəlxalq marşrut olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
