"Azəristiliktəchizat" ASC növbəti illərdə 110 yeni istilik mənbəyi yaradacaq.
"APA-Economics"in məlumatına görə, bunu jurnalistlərə açıqlamasında ASC-nin sədr müavini İlham Mirzəliyev deyib.
Onun sözlərinə görə, bu işlər müəssisə tərəfindən hazırlanan kifayət qədər əhatəli Tədbirlər Planı çərçivəsində aparılacaq: "Bu tədbirlərin həyata keçirilməsi həmçinin 84 qazanxanalarının modernləşdirilməsinə, 2 367 yaşayış binasında istilik sistemlərinin bərpasına və yaxud yaxşılaşdırılmasına imkan verəcək. Bu layihənin icra olunduğu halda 950-yə yaxın yeni iş yerləri yaradılacaq".