Bu gün ADA Universitetində “İnformasiya və kommunikasiya texnologiyalarının tətbiqi” (“AICT 2019”) mövzusuna dair dahi azərbaycanlı alim Lütfi Zadənin elmi irsinə həsr olunmuş XIII beynəlxalq konfrans işə başlayıb.
"APA-Economics"in məlumatına görə, üç gün davam edəcək konfransda 25 ölkənin alim və mütəxəssisləri iştirak edir ki, onlar İKT-nin müxtəlif sahələrində olan ən son yeniliklərlə bölüşəcək, bu mövzu ətrafında müzakirələr aparacaqlar. Texnologiyaların dəyişmə trendərinə də sözügedən tədbirdə geniş yer ayrılacaq.
“AICT 2019” konfransına ADA Universiteti, AMEA-nın İnformasiya Texnologiyaları İnstitutu, Malayziya Sabah Universiteti, IEEE Azərbaycan şöbəsi və Elektrotexnika və Elektronika Mühəndislər İnstitutu texniki dəstək verir.
Qeyd edək ki, bu konfrans artıq 5-ci dəfədir Bakıda keçirilir. Bundan əvvəl tədbir 2009-cu, 2011-ci, 2013-cü və 2016-cı illərdə Azərbaycanın paytaxtında təşkil olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
