Beynəlxalq Valyuta Fondunun (BVF) yenilənmiş proqnozuna əsasən, COVID-19 pandemiyasından bərpa fonunda qlobal iqtisadiyyat bu il 5,5% artacaq.
"APA-Economics"in fondun "World Economıc Outlook" hesabatına istinadən verdiyi məlumata görə, 2022-ci ildə artımın 4,2% səviyyəsində olacağı gözlənilir.
Hesabatda qeyd edilir ki, 2021-ci il üçün proqnoz 0,3 faiz bəndi artırılıb və bunun əsas səbəbləri kimi Fond vaksinasiyanın gözləniləndən daha erkən başlamasını və daha böyük miqyasda icra edilməsini göstərir.