Ötən il Gürcüstanın Azərbaycanla xarici ticarət dövriyyəsinin həcmi 1 057 839,6 min ABŞ dolları təşkil edib ki, bu 2018-ci illə müqayisədə 3,4% və ya 36 936,9 min dollar azdır.
APA-nın yerli bürosu xəbər verir ki, bu barədə Gürcüstan Milli Statistika İdarəsinin ilkin hesablamalara əsasən təqdim etdiyi hesabatında bildirilib.
2018-ci ildə bu göstərici 1 094 776,5 min dollar təşkil edib.
Hesabat ilində Gürcüstan Azərbaycandan 559 130,2 min dollarlıq mal və məhsullar idxal edib ki, bu göstərici əvvəlki illə müqayisədə 5,7% azalıb.
Gürcüstanın Azərbaycana ixracı isə 498 709,4 min dollar təşkil edib. Bu, 2018-ci ilin eyni dövrü ilə müqayisədə 0,7% azdır.
Nəticədə, Gürcüstanın Azərbaycanla ticarət dövriyyəsində 60 420,8 min dollarlıq mənfi saldo yaranıb ki, bu da illik ifadədə 33,4% azalıb. Ötən il mənfi saldo 90 691,7 min dollara bərabər olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
