Pandemiyaya görə əhalinin əczaçılıq məhsullarına xərcləri 40% artıb
-
16:35
-
18 Yanvar 2021
2020-ci ildə istehlakçılar Azərbaycanın pərakəndə ticarət şəbəkəsində əczaçılıq məhsulları və tibbi ləvazimatları 748,9 mln. manat xərcləyib.
Dövlət Statistika Komitəsindən "APA-Economics"ə verilən məlumata görə, bu göstərici 2019-cu il ilə müqayisədə 40,5% artıb.
Təkcə dekabr ayında əhaliyə 104,2 mln. manatlıq əczaçılıq məhsulları və tibbi ləvazimatlar satılıb ki, bu da noyabr ayı ilə müqayisədə 14% çoxdur.
Qeyd edək ki, hesabat dövründə istehlakçıların pərakəndə ticarət şəbəkəsində xərclədiyi vəsaitin 1,9%-i əczaçılıq məhsulları və tibbi ləvazimatların alınmasına sərf olunub.
Digər xəbərlər
