Belarus parlamentinin aşağı palatasının (Nümayəndələr palatası) deputatları Roman Qolovçenkonun Baş Nazir postuna namizədliyini təsdiqləyiblər.
APA-nın “RİA Novosti”yə istinadən verdiyi xəbərə görə, qərar Nümayəndələr palatasının bugünkü iclasında qəbul edilib.
Qeyd edək ki, bir neçə gün əvvəl Belarus Prezidenti Aleksandr Lukaşenko 2018-ci ildən Sergey Rumasın rəhbərlik etdiyi hökumətin istefası ilə bağlı sərəncam imzalayıb. İyunun dördündə isə prezidentin müvafiq qərarı ilə Baş Nazir vəzifəsinə R. Qolovçenko təyin olunub. O, bundan əvvəl Dövlət Hərbi-Sənaye Komitəsinə rəhbərlik edirdi. Konstitusiyaya görə, yeni Baş Nazirin namizədliyini parlament təsdiq etməlidir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
