“Şimal axını – 2” qaz kəmərinə qarşı sanksiyaların məqsədi Avropa İttifaqının (Aİ) enerji təhlükəsizliyinin qayğısına qalmaq deyil”.
APA-nın Moskva müxbirinin verdiyi məlumata görə, bunu Rusiyanın Xarici İşlər naziri Sergey Lavrov “RİA Novosti”yə müsahibəsində bildirib .
Onun sözlərinə görə, sanksiyaların məqsədi ABŞ-ın slans qazının dəstəklənməsi və haqsız rəqabətdir.
“Məqsəd əlbəttə ki, “Şimal axını – 2” qaz kəmərinin Avropanın enerji təhlükəsizliyinin möhkəmləndirilməsinin qayğısına qalmaq deyil, ABŞ-ın slans qazının Avropa bazarına irəli çəkilməsidir. Bu haqsız rəqabətin və energetika sferasının siyasiləşdirilməsinin bariz nümunəsidir”, - deyə Rusiya XİN başçısı vurğulayıb.
Xatırladaq ki, ABŞ Senatı Rusiyanın “Qazprom” şirkətinin “Şimal axını - 2” qaz boru kəmərinin inşasına kömək edən podratçılara qarşı yeni sanksiyaları özündə ehtiva edən 2020-ci il üçün Müdafiə Büdcə Qanununu qəbul edib.