Rusiya Federasiya Şurasının sədri Valentina Matviyenko Liviya parlamentinin sədri ilə görüşəcək.
APA-nın Moskva müxbirinin Federasiya Şurasının mətbuat xidmətinə istinadən verdiyi məlumata görə, V. Matviyenko iyulun 3-də Moskvada Liviya Nümayəndələr Palatasının sədri Aqil Salehlə görüş keçirəcək.
Görüşdə Liviyanın Nümayəndələr Palatası yanında hökumətinin Xarici İşlər naziri Abdulhadi Əl-Huveycinin və rusiyalı senatorların da iştirakı gözlənilir.
Qeyd edək ki, A. Saleh bu gün Moskvaya gəlib.