Polşa Qərbi Ukrayna torpaqlarının ilhaqına hazırlığı sürətləndirir.
APA-nın Moskva müxbiri xəbər verir ki, bunu Rusiya Xarici Kəşfiyyat Xidmətinin (SVR) direktoru Sergey Narışkin RİA “Novosti”yə müsahibəsində bildirib.
“Rusiya Xarici Kəşfiyyat Xidmətinə daxil olan məlumatlar göstərir ki, Varşava Qərbi Ukrayna torpaqlarının: Lvov, İvano-Frankivsk vilayətlərinin və Ternopol vilayətinin əksər hissəsinin ilhaqına hazırlığı sürətləndirir”, - Narışkin qeyd edib.
Onun sözlərinə görə, Polşa rəhbərliyi NATO-nun yüksək rütbəli tərəfdaşlarının qış aylarında təkcə ukraynalıların deyil, həm də polşalıların maraqlarına zidd olaraq Moskva ilə danışıqlara cəhd edəcəyindən ehtiyat edərək fəal və israrlı hərəkət etməyi qarşısına məqsəd qoyub.
Narışkin qeyd edib ki, Polşa prezidenti Duda müvafiq xidmətlərə Polşanın Qərbi Ukraynaya iddialarına tez bir zamanda rəsmi əsaslandırma hazırlamağı tapşırıb. Onun sözlərinə görə, davam edən arxiv araşdırmalarının başlanğıc nöqtəsi 1943-cü il Volın qırğınıdır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
