Qazaxıstan Mərkəzi Seçki Komissiyası (MSK) növbədənkənar prezident seçkilərinin yekun nəticəsini açıqlayıb.
APA “Kazinform”a istinadən xəbər verir ki, MSK sədri Nurlan Abdirov hazırkı dövlət başçısı Kasım-Jomart Tokayevin qalib gəldiyini elan edib.
“Dünən biz ilkin nəticələri elan etdik və artıq orijinal protokolları əldə etdik. Kasım-Jomart Tokayev 81,31 faiz səs toplayaraq seçkidə qalib gəlib”, o əlavə edib.
MSK sədri qeyd edib ki, seçkilərdə 3,42 faiz səs toplayan Jiquli Dayrabayev ikinci pillədə yer alıb.
Xatırladaq ki, Qazaxıstanda 20 noyabrda növbədənkənar prezident seçkiləri keçirilib.