Yanvarın 28-də Qazaxıstanın hakim “Nur Otan” partiyasının qurultayı keçiriləcək.
APA-nın TASS-a istinadən verdiyi xəbərə görə, qurultayda yeni sədrin seçilməsi və partiyanın nizamnaməsində dəyişikliklərlə bağlı məsələlərə baxılacaq.
Qeyd edək ki, bir müddət əvvəl Qazaxıstanın eks-prezidenti Nursultan Nazarbayev xalqa videomüraciətində “Nur Otan” partiyasının növbədənkənar qurultayının keçiriləcəyini və Prezident Kasım-Jomart Tokayevin hakim partiyanın sədri seçiləcəyini bildirmişdi.
Xatırladaq ki, partiyanın hazırkı sədri Nursultan Nazarbayevdir.