Moskva İranla Səudiyyə Ərəbistanı arasında vasitəçi olmağa hazırdır.
APA-nın Moskva müxbirinin məlumatına görə, bunu Rusiya xarici işlər nazirinin müavini Mixail Boqdanov bildirib.
O, ölkəsinin İranla Səudiyyə Ərəbistanı arasında təmaslarda ziddiyyətləri aradan qaldırmaq üçün vasitəçi olmağa hazır olduğunu söyləyib: "Moskva həm Səudiyyə Ərəbistanı ilə, həm də İranla təmasdadır. Rusiya hər iki tərəfi bütün ziddiyyətləri dialoq yolu ilə həll etməyə çağırır".