Dövlət Duması rusiyalıların Rusiya Federasiyasına qarşı hərbi əməliyyatlarda iştirakına görə 20 ilədək müddətə azadlıqdan məhrum etmə və Rusiya Federasiyasının təhlükəsizliyinə qarşı tədbirlər görməyə yönəlmiş ictimai çağırışlara görə 2,5 milyon rubla qədər cərimə ilə 7 ilədək həbs cəzasını nəzərdə tutan qanun layihəsini birinci oxunuşda qəbul edib.
APA-nın Moskva müxbirinin məlumatına görə, qanun layihəsi Rusiya Federasiyasının Cinayət Məcəlləsinə 280.4-cü “Dövlətin təhlükəsizliyinə qarşı yönəlmiş fəaliyyətin həyata keçirilməsinə ictimai çağırışlar” maddəsinə yeni əlavə edilməsini təklif edir.
Bu hərəkətlər 100 mindən 500 min rubla qədər cərimə və ya iki ildən dörd ilədək müddətə azadlıqdan məhrumetmə ilə cəzalandırılacaq. Eyni cinayət mütəşəkkil qrup tərəfindən və ya zorakılıq hədəsi ilə törədilən oxşar hərəkətlər 500 min rubldan 2,5 milyon rubla qədər cərimə ilə beş ildən yeddi ilədək həbs cəzası ilə cəzalandırılır.
Qanun layihəsinin normalarında həmçinin Rusiya vətəndaşlarının xaricdə Rusiya Federasiyasının maraqlarına qarşı hərbi əməliyyatlarda iştirakının 500 min rubla qədər cərimə ilə 20 ilədək müddətə azadlıqdan məhrumetmə ilə cəzalandırılacağının müəyyən edilməsi də təklif edilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
