Türkiyədə baş vermiş zəlzələ nəticəsində Rusiya vətəndaşı ölüb.
APA xəbər verir ki, bu barədə TASS məlumat yayıb.
Agentliyin diplomatik nümayəndəlik kanalları ilə əldə etdiyi məlumata görə, zəlzələ qurbanları arasında 1 nəfər Rusiya vətəndaşı var.
Xatırladaq ki, dünən Türkiyənin cənub-şərqindəki Kahramanmaraş vilayətində 7.7 bal gücündə zəlzələ baş verib. Ümumilikdə 300-ə yaxın yeraltı təkan ölkənin 10 vilayətində hiss olunub. Son məlumatlara görə, Türkiyədə 3 419 nəfərdən çox insan ölüb, 20 mindən çox insan yaralanıb.