Mirzə Fətəli Axundov adına Azərbaycan Milli Kitabxanasının 85 illik yubileyi keçiriləcək
11 noyabr 2008 09:56 (UTC +04:00)
Bakı. Kəmalə Quliyeva-APA. Noyabrın 17-18-də Mirzə Fətəli Axundov adına Azərbaycan Milli Kitabxanasının 85 illik yubileyi keçiriləcək. Bu barədə APA-ya kitabxananın direktoru Kərim Tahirov məlumat verib. Onun sözlərinə görə, yubiley tədbirlərində iştirak etmək üçün dünyanın 17 ölkəsindən 30-a yaxın qonaq gələcək. Onların arasında müxtəlif ölkələrin milli kitabxanalarının direktorları və beynəlxalq təşkilatların nümayəndələri də olacaq. Noyabrın 17-də Musiqi Komediya Teatrında milli kitabxananın təntənəli yubiley tədbiri keçiriləcək. Həmin gün kitabxana ilə bağlı sərginin təşkili də gözlənilir. Yubiley çərçivəsində iki beynəlxalq konfransın keçirilməsi nəzərdə tutulur. K. Tahirovun sözlərinə görə, noyabrın 18-də türkdilli ölkələrin milli kitabxana direktorlarının II konfransı keçiriləcək. Elə həmin gün Avrasiya Kitabxanalar Assambleyası Qeyri-Kommersiya Əməkdaşlıq Təşkilatının MDB Ölkələrinin Milli Kitabxanalarının Direktorlar Şurası ilə birgə 10-cu iclası olacaq. Sözügedən iclasda 16 ölkənin nümayəndəsi iştirak edəcək. K. Tahirov bildirib ki, iclasda 21 əsrdə milli kitabxanalarının qarşısında duran vəzifələr, kitabxanaların avtomatlaşdırılması və kitab fondlarının elektron daşıyıcılarına köçürülməsi kimi məsələlər müzakirə olunacaq.
Mədəniyyət siyasəti
Dövlət Xidməti: Bakıda reklam lövhəsi vurulan tarixi binaya təkrar baxış keçiriləcək
15:35
25 aprel 2024
Heydər Əliyev Mərkəzində Qırğızıstanın incəsənət ustalarının konsert proqramı təşkil olunub - FOTO
19:50
24 aprel 2024
Heydər Əliyev Mərkəzində Qırğızıstan sənət nümunələrinin sərgisi açılıb - FOTO - YENİLƏNİB
19:07
24 aprel 2024
Bakıda Qırğız Kino Günlərinin açılışı olub
09:02
24 aprel 2024