Gənc dirijor Əyyub Quliyev Yunanıstanda keçirilən beynəlxalq müsabiqənin xüsusi mükafatına layiq görülüb
12 noyabr 2008 11:06 (UTC +04:00)
Bakı. Ülkər Qasımova - APA. Beynəlxalq müsabiqələr laureatı, gənc dirijor Əyyub Quliyev Yunanıstanın paytaxtı Afinada keçirilən Dimitrios Mitropulos adına dirijorların XII beynəlxalq müsabiqəsinin xüsusi mükafatına layiq görülüb. Ə. Quliyev APA-ya açıqlamasında müsabiqənin Yunanıstanın Mədəniyyət Nazirliyi və “Colours” Simfonik Orkestrinin təşkilatçılığı ilə keçirildiyini deyib. Müsabiqədə iştirak etmək üçün 44 ölkədən 171 dirijor müraciət edib. Onlardan yalnız 15 nəfəri I tura keçib. Münsiflər heyətinə tanınmış dirijor Arturo Tamayo rəhbərlik edib. Müsabiqənin nəticələrinə əsasən Böyük Britaniya, Almaniya, Sinqapur və Azərbaycandan olan 4 dirijor müsabiqənin laureatı adına layiq görülüblər. Bundan başqa, “Colours” Simfonik Orkestri üzvlərinin gizli səsverməsi nəticəsində Əyyub Quliyevə “Orchestra Preference Award” mükafatı verilib.
Mədəniyyət siyasəti
Bakıda VI Ümumdünya Mədəniyyətlərarası Dialoq Forumu keçiriləcək
13:04
26 aprel 2024
Dövlət Xidməti: Bakıda reklam lövhəsi vurulan tarixi binaya təkrar baxış keçiriləcək
15:35
25 aprel 2024
Heydər Əliyev Mərkəzində Qırğızıstanın incəsənət ustalarının konsert proqramı təşkil olunub - FOTO
19:50
24 aprel 2024
Heydər Əliyev Mərkəzində Qırğızıstan sənət nümunələrinin sərgisi açılıb - FOTO - YENİLƏNİB
19:07
24 aprel 2024