İqtisadi Əməkdaşlıq və İnkişaf Təşkilatı (OECD) ölkələrində neft və neft məhsullarının kommersiya ehtiyatları ötən ilin noyabr ayında oktyabrla müqayisədə 6,1 mln. barel azalaraq, son 7 ilin ən aşağı göstəricisi səviyyəsində olub.
"APA-Economics"in Beynəlxalq Enerji Agentliyinin (IEA) aylıq hesabatına istinadən verdiyi məlumata görə, noyabr ayında 2,756 mln. barel səviyyəsində olan qlobal neft ehtiyatlarının həcmi 2020-ci ilin müvafiq dövrü ilə müqayisədə 354 mln. barel az olub.
Qeyd olunur ki, dekabr ayı üçün olan ilkin məlumatlara əsasən, ehtiyatların daha 45 mln. barel azalacağı gözlənilir.
Qlobal neft və neft məhsullarının kommersiya ehtiyatlarının orta beşillik səviyyəyə çatdırılması əvvəlcədən "OPEC+" (OPEC və təşkilata daxil olmayan ölkələri əhatə edən neft istehsalının azaltması üzrə təşəbbüs) razılaşmasının məqsədi kimi müəyyən edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
