Sosial

Ana səhifə

Sosial

Ali məktəblərin magistratura pilləsinə 15 minə yaxın bakalavrın sənəd verəcəyi gözlənilir

17 aprel 2009 10:39 (UTC +04:00)

Bakı. İlhamə İsabalayeva – APA. Ali məktəblərin magistratura pilləsində təhsil almaq üçün indiyədək 7 minə yaxın bakalavr sənəd verib. APA-nın məlumatına görə, Tələbə Qəbulu üzrə Dövlət Komissiyasının (TQDK) sədri Məleykə Abbaszadə bildirib ki, aprelin 13-dən başlanan sənəd qəbulu aprelin 20-dək davam edəcək. Həmin müddətədək sənəd verən bakalavrların sayının 15 minə çatacağı gözlənilir. M. Abbaszadə deyib ki, sənəd qəbulunun müddətinin uzadılması nəzərdə tutulmur. Magistratura imtahanların birinci mərhələsinin mayın 3-də keçirilməsi planlaşdırılır. Bu mərhələdə bakalavrın test üsulu ilə məntiqi təfəkkürü, informatika, xarici dili səviyyəsi yoxlanılacaq.