Bakı sürücüləri arasında “Təhlükəsiz yol - nümunəvi sürücü” devizi altında təbliğat aylığının keçirilməsinə başlanılır
07 mart 2007 13:41 (UTC +04:00)
Bu gün Bakı Şəhər Baş Polis İdarəsinin “Xüsusi tədbirlər planı”nın tələblərinin yetirilməsi üçün İctimai Televiziya və Radio Yayımları Şirkəti və Bakı Şəhər Dövlət Yol Polisi İdarəsi martın 10-dan aprelin 10-dək paytaxt sürücüləri arasında “Təhlükəsiz yol - nümunəvi sürücü” devizi altında təbliğat aylığının keçirilməsi ilə əlaqədar mətbuat konfransı keçirilib. APA-nın məlumatına görə, Bakı Şəhər Dövlət Yol Polisi İdarəsinin (BŞDYPİ) təhlükəsizliyin təmini və ictimaiyyətlə əlaqələr şöbəsinin rəisi Vaqif Əsədov bildirib ki, təbliğat tədbiri bir ay müddətində keçiriləcək. Bu müddət ərzində BŞDYPİ-nin əməkdaşları yol hərəkəti qaydalarını pozanlarla yanaşı, intizamlı sürücüləri də saxlayacaq. Onun sözlərinə görə, həmin sürücüləri cərimə yox, mükafat gözləyir. V.Əsədov qeyd edib ki, təbliğat ayının keçirilməsində məqsəd sürücülər arasında yol-hərəkəti qaydaları ilə bağlı maarifləndirmə işinin gücləndirilməsidir. Bu müddət ərzində İctimai Televiziyada təbliğat çarxları nümayiş etdiriləcək. /APA/
Sosial
Ağdamda Minalardan və partlamamış hərbi sursatlardan təmizləmə üzrə İşçi qrupun iclası keçirilib - FOTO
20:38
26 aprel 2024
Bakcell ilə innovasiya və həyəcan dolu bir dövr başladı!
20:00
26 aprel 2024
Kəmaləddin Heydərov FHN-in Gəncə Regional Mərkəzində müşavirə keçirib
19:46
26 aprel 2024
Heydər Əliyev Fondu ilə Türkiyənin Sıfır Atık Fondu arasında Anlaşma Memorandumu imzalanıb
19:40
26 aprel 2024