“Nizami” metrostansiyasında eskalatorun təmiri başa çatıb

“Nizami” metrostansiyasında eskalatorun təmiri başa çatıb
# 18 sentyabr 2019 17:50 (UTC +04:00)

Cari ilin iyun ayında texniki normativlərin tələbinə uyğun olaraq əsaslı təmirə dayandırılmış “Nizami” stansiyasının “LT-3” tipli 3 saylı eskalatoru istismara verilib.

"Bakı Metropoliteni" QSC-dən APA-ya bildirilib ki, eskalator sökülüb, təmir işləri aparılıb, zəruri hissələri yenilənib. Quraşdırma və sınaq-tənzimləmə işlərindən sonra müvafiq baxış keçirilərək eskalatorun istismar vəziyyəti, təhlükəsizlik tələblərinə uyğunluğu, görülən işin keyfiyyəti qiymətləndirilib.
Bildirilib ki, bu tip eskalatorlar 110.000 km-ə yaxın qaçış məsafəsindən sonra əsaslı təmirə dayandırılır.

“Nizami” stansiyasının 3 saylı eskalatorunda əsaslı təmir işləri sonuncu dəfə 2012-ci ildə aparılıb.

#
#

ƏMƏLİYYAT İCRA OLUNUR