Tədbirlər zamanı radiotezlik zolaqlarının məhdudlaşdırılmasına görə istifadəçilərə kompensasiyanın ödənilməsi qaydası təsdiqlənəcək. Nazirlər Kabineti üç ay müddətində beynəlxalq və ölkə səviyyəli tədbirlərin, o cümlədən idman yarışlarının keçirildiyi müddətdə radiotezlik zolaqlarından istifadə hüququnun məhdudlaşdırıldığı zaman radiotezlik istifadəçilərinə kompensasiyanın ödənilməsi qaydasını Azərbaycan Respublikasının Prezidenti ilə razılaşdırmaqla təsdiq edəcək.
APA-nın xəbərinə görə, bu, Prezident İlham Əliyevin “Telekommunikasiya haqqında” Azərbaycan Respublikasının Qanununda dəyişiklik edilməsi barədə” qanun tətbiqi barədə fərmanında əksini tapıb.
Nazirlər Kabineti 3 ay müddətində radiotezliklərdən istifadəyə dair müqavilənin nümunəvi formasını da təsdiqləməli və bu barədə Azərbaycan Respublikasının Prezidentinə məlumat verməlidir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
