Şuşada “ASAN xidmət” mərkəzinin tikintisi üçün zəruri işlər görülür.
APA xəbər verir ki, bunu Azərbaycan Respublikasının Prezidenti yanında Dövlət Xidməti və Sosial İnnovasiyalar üzrə Dövlət Agentliyinin sədri Ülvi Mehdiyev jurnalistlərə açıqlamasında deyib.
O, tikinti işlərinin gələn il yekunlaşa biləcəyini vurğulayıb: “Tikinti prosesi, yəqin ki, gələn il üçün yekunlaşar və elə gələn il də fəaliyyətə başlayar. İşğaldan azad olunmuş digər ərazilərdə isə, bildiyimiz kimi, infrastruktur tədbirləri həyata keçirilir. Bu proseslər yekunlaşdıqdan sonra orada da “ASAN xidmət” mərkəzlərinin tikintisi həyata keçirilə bilər”.
Ülvi Mehdiyev “ASAN xidmət” nümayəndələrinin Türkiyədəki səyyar fəaliyyəti məsələsinə də toxunub: “Türkiyədə “Texnofest” çərçivəsində Samsun şəhərində səyyar xidmət göndərdik. Kifayət qədər uğurlu alındı. Çünki sənədlərinin dəyişdirilməsi lazım olan çox vətəndaşımız var idi. Əldə etdiyimiz təcrübə əsasında bu prosesi gələcəkdə də davam etdirmək niyyətindəyik”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
