Azərbaycanda növbəti onillikdə beş Milli Prioritet müəyyənləşib

Azərbaycanda növbəti onillikdə beş Milli Prioritet müəyyənləşib
  • Clock-gray 14:20
  • calendar-gray 02 Fevral 2021

Növbəti onillikdə ölkənin sosial-iqtisadi inkişafına dair beş Milli Prioritet müəyyənləşib.

APA-nın məlumatına görə, bu, Prezident İlham Əliyevin bu gün təsdiqlədiyi “Azərbaycan 2030: sosial-iqtisadi inkişafa dair Milli Prioritetlər”də əksini tapıb.

Reallaşmalı olan beş Milli Prioritet aşağıdakılardır:

-dayanıqlı artan rəqabətqabiliyyətli iqtisadiyyat;

 -dinamik, inklüziv və sosial ədalətə əsaslanan cəmiyyət;

 -rəqabətli insan kapitalı və müasir innovasiyalar məkanı;

 -işğaldan azad olunmuş ərazilərə böyük qayıdış;

 - təmiz ətraf mühit və “yaşıl artım” ölkəsi.

Qeyd edilən Milli Prioritetlər eyni zamanda Birləşmiş Millətlər Təşkilatının “Dünyamızın transformasiyası: 2030-cu ilədək dayanıqlı inkişaf sahəsində Gündəlik”dən irəli gələn öhdəliklərin icrası istiqamətində də xüsusi əhəmiyyət kəsb edir.

Firuzə Vahid

Digər xəbərlər