Sosial

Ana səhifə

Sosial

DİM sədri: "İyunun 1-dən 288637 nəfərə xidmət göstərmişik"

08 sentyabr 2020 15:18 (UTC +04:00)

İyunun 1-dən başlayaraq DİM 13 növ müxtəlif kütləvi tədbirlər keçirib, bunların nəticəsində 288637 nəfərə xidmət göstərmişik”.

APA-nın xəbərinə görə, bunu Dövlət İmtahan Mərkəzinin Direktorlar Şurasının sədri Məleykə Abbaszadə onlayn mətbuat konfransında bildirib. Onun sözlərinə görə, pandemiya şəraitində bütün sanitar normalara riayət olunub. Bu proseslər zamanı heç bir yoluxma müşahidə olunmayıb”.

M. Abbazsadə deyib ki, bu ay 3 imtahan da nəzərdə tutulub. Sentyabrın 10-da indiyə qədər buraxılış imtahanı verməyənlər üçün buraxılış imtahanı, sentyabrın 11-də jurnalistikaya qabiliyyət imtahanı, sentyabrın 18-də rezidenturanın II mərhələsinə qəbul imtahanı keçiriləcək: "Təxminən 150 nəfərə yaxın DİM heyəti 400 min insana xidmət göstərib. DİN nümayəndələri də imtahanlarda asayişi qorumaq üçün böyük işlər görüblər, həkimlər kömək ediblər, tibbi yardım təşkil olunub".