“Büdcə xərclərinin 2021-ci ildə artırılması insanların sosial rahatlılığının təmin edilməsinə təsir edəcək”.
APA-nın məlumatına görə, bunu Milli Məclisin bu gün keçirilən iclasında parlamentin İqtisadi siyasət, sənaye və sahibkarlıq komitəsinin sədri Tahir Mirkişili deyib.
Komitə sədri bildirib ki, 2021-ci ilin dövlət büdcəsinin 30 %-dən çoxunu sosial xərclər təşkil edəcək: “Bu da Prezident İlham Əliyevin yürütdüyü sosial siyasətin tələbidir”.