Polina Rəhimova onilliyin ən yaxşı voleybolçularının siyahısına düşüb

Polina Rəhimova onilliyin ən yaxşı voleybolçularının siyahısına düşüb
  • Clock-gray 10:46
  • calendar-gray 05 Fevral 2021

Onilliyin ən yaxşı voleybolçularının siyahısı açıqlanıb.

Apasport.az saytının məlumatına görə, 100 ən yaxşının yer aldığı cədvələ həm kişi, həm qadın, həm də çimərlik voleybolu üzrə ulduzlar daxil edilib.

2010-20-ci illərin “100-lüy”ündə Azərbaycan voleybolu da təmsil olunub. Siyahıdakı yeganə voleybolçumuz Polina Rəhimovadır.

Zəngin karyerası ərzində bir sıra klublara çıxış etmiş hücumçu komanda uğurları ilə yanaşı, fərdi rekordları ilə də dünyanın diqqət mərkəzində olub. Bütün bunlar onun 100 ən yaxşı sırasına düşməsində rol oynayıb.

Azərbaycan klublarında legioner həyatı yaşamış voleybolçular da onilliyin ən yaxşıları sırasına düşüb. “İqtisadçı”, “Rabitə” və “Azərreyl”də oynamış tailandlı toppaylayıcı Nutsara Tomkomun da oyunu mütəxəssislərin gözündən yayınmayıb.

“Rabitə”nin iki sabiq voleybolçusu da cədvəldə yer alıb. Bunlar ABŞ-dan olan blokçu Foluke Akinradevo və dominikanlı libero Brenda Kastilyodur.

ApaSport

Digər xəbərlər