Ötən ay Azərbaycandan Gürcüstana səfər edənlərin sayı 103 981 nəfər təşkil edib.
APA-nın yerli bürosunun Gürcüstanın Milli Turizm Administrasiyasına istinadən verdiyi xəbərə görə, bu, ötən ilin fevral ayı ilə müqayisədə 2 383 nəfər və ya 2,2% azdır.
Fevral ayında Azərbaycandan Gürcüstana səfər edənlərin sayında azalma qeydə alınsa da, Azərbaycan qonşu ölkəyə səfər etmiş əcnəbilərin sayına görə birinci yeri saxlaya bilib.
Ötən ay Gürcüstana ümumilikdə 440 806 əcnəbi ziyarətçi səfər edib ki, bu da ötən ilin analoji göstəricisindən 19,8% çoxdur.
Ötən ay Azərbaycandan sonra Gürcüstana ən çox ziyarətçi Ermənistan (102 707 nəfər), Türkiyə (92 234), Rusiya (70 430) və İrandan (16 696) səfər edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
