Biz Azərbaycan, Ermənistan və Rusiya liderlərinin 9 noyabr 2020-ci il, 11 yanvar 2021-ci il və 26 noyabr 2021-ci il tarixli üçtərəfli bəyanatlarının tam şəkildə həyata keçirilməsi zərurətindən çıxış edirik.
APA-nın Moskva müxbirinin xəbərinə görə, bu barədə Rusiya XİN-in saytında xarici işlər naziri Sergey Lavrovun ötən ilin yekunlarına dair illik mətbuat konfransında KİV-lərin göndərdiyi suallara yazılı cavablarda qeyd olunub.
“Azərbaycan-Ermənistan sərhədinin delimitasiyası və demarkasiyası, o cümlədən regionda nəqliyyat və iqtisadi əlaqələrin açılması bu günün prioritet vəzifələridir. Bu sahələrdə irəliləyişə nail olmaq Bakı ilə İrəvan arasında münasibətlərin normallaşdırılmasında mühüm irəliləyiş əldə etməyə imkan verəcək”, - deyə vurğulanıb.
Rusiya XİN-dən o da bildirilib ki, bu il Rusiya ilə MDB-nin əksər dövlətləri arasında, o cümlədən Azərbaycanla və Ermənistanla diplomatik münasibətlərin qurulmasının 30 illiyi tamam olur: “Ölkələrin hər biri ilə biz seriya yubiley tədbirləri hazırlayırıq. Nəzərə alsaq ki, bir sıra tədbirlər mədəni və maarifləndirici xarakterli olacaq, onların həm də ictimaiyyət üçün maraqlı olacağını hesab edirik”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
