Avropa İttifaqının (Aİ) Azərbaycandakı Nümayəndəliyi regionların və kənd yerlərinin inkişafı ilə bağlı 8 layihə həyata keçirir.
APA-nın xəbərinə görə, bu barədə Aİ-nin Azərbaycandakı Nümayəndəliyinin rəhbəri Kestutis Yankasukas onlayn brifinqdə bildirib.
Onun sözlərinə görə, bu layihələr regionların inkişafına, eyni zamanda, kənd təsərrüfatına dəstək məqsədi daşıyır: “Biz inanırıq ki, vətəndaş cəmiyyətinin inkişafı ilə həqiqi inkişafa nail olmaq mümkündür. Layihələrimizin məqsədi regionların inkişafına dəstək vermək, gənc nəslin təhsilinə şərait yaratmaqdır”.
Aİ-nin Azərbaycandakı Nümayəndəliyinin rəhbəri qeyd edib ki, Azərbaycan hökuməti ilə cari iki illik proqram razılaşdırılıb və bu proqramda əsas diqqət pandemiyanın sosial-iqtisadi sahələrə mənfi təsirlərinin aradan qaldırılmasına yönəlib: “Azərbaycanla bağlı Aİ-nin maliyyə alətlərinin mövcudluğunu nəzərə alaraq növbəti 5-7 il üçün prioritetlər müəyyən ediləcək. Görülən işlərin sahəsi genişdir. Biz vətəndaş cəmiyyəti layihələri üzərində işləyəcəyik, regionların inkişafı ilə bağlı işlərimizi davam etdirib uğur qazanacağıq”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
