XİN başçısı: “İşğaldan azad edilmiş ərazilərin bərpası zaman tələb edir”

XİN başçısı: “İşğaldan azad edilmiş ərazilərin bərpası zaman tələb edir”
  • Clock-gray 13:53
  • calendar-gray 17 Mart 2021

“Azərbaycan hazırda işğaldan azad edilmiş ərazilərin bərpası ilə məşğuldur”.

APA-nın xəbərinə görə, bunu bu gün Slovakiyanın xarici və Avropa işləri naziri İvan Korçokla görüşdən sonra keçirilən brifinqdə xarici işlər naziri Ceyhun Bayramov deyib.

O bildirib ki, işğaldan azad edilmiş ərazilərin bərpası zaman tələb edir və Azərbaycan bunun öhdəsindən layiqincə gələcək.

Nazirin sözlərinə görə, Slovakiya şirkətləri işğaldan azad edilmiş ərazilərdə avtomobil, dəmir yolları, alternativ enerji mənbələri, minatəmizləmə, “ağıllı kənd” və “ağıllı şəhər” layihələrində iştirak edə bilər: “Hər iki dövlətin aidiyyəti qurumları bu məsələləri dəyərləndirəcək və növbəti aylarda, növbəti illərdə bu istiqamətlərdə işlər həyata keçiriləcək”. 

C. Bayramov qeyd edib ki, Azərbaycan dost və tərəfdaş ölkələrlə münasibətləri qarşılıqlı hörmət əsasında qurur: “Azərbaycan-Slovakiya münasibətləri bu prinsiplər üzərində qurulub və inkişaf edəcək. Hesab edirik ki, dövlətlərimizin və xalqlarımızın rifahı uğrunda işlərimizi irəli apara biləcəyik”.

Ramiz Mikayıloğlu

Digər xəbərlər