Peruda ölümlə nəticələnən yol qəzası baş verib.
APA-nın “Andina” agentliyinə istinadən verdiyi xəbərə görə, yol qəzası ölkənin cənubunda qeydə alınıb.
İlkin məlumata görə, içərisində məktəblilərin olduğu avtobusun sürücüsü idarəetməni itirib, avtobus dərəyə aşıb. Qəza nəticəsində 8 nəfər ölüb.
Qəzaya yüksək sürətin səbəb olduğu bildirilir.
Hadisə yerinə xilasetmə qüvvələri cəlb olunub.