Hindistanın Bihar ştatında ən azı 33 nəfər saxta spirtli içkidən zəhərlənərək ölüb.
APA-nın məlumatına görə, bu barədə NDTV xəbər verir.
"İki səlahiyyətli şəxs – Nautan polis bölməsinin rəisi və kəndin mühafizəçisi –
səhlənkarlıqlarına görə işdən kənarlaşdırılıb. İddia edilən satıcılardan biri ölüb, digəri gizlənir, onun axtarışlarına başlanılıb", - Çamparan dairəsinin polis inspektorunun müavini Kumar Pravin bildirib.
Xatırladaq ki, 2016-cı ildə Biharda alkoqol satışı və istehsalına qadağa qüvvəyə minib, bundan sonra regionda qeyri-qanuni, o cümlədən saxta spirtli içki bazarı formalaşıb. Yerli mətbuatın məlumatına görə, son bir ildə ştatda 100-ə yaxın insan keyfiyyətsiz spirtli içkilərdən istifadə nəticəsində dünyasını dəyişib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
