Yaponiya sahillərində 5,8 bal gücündə zəlzələ baş verib.
APA xəbər verir ki, bu barədə ABŞ Geoloji Araşdırmalar Xidməti (USGS) məlumat yayıb.
Zəlzələ Qrinviç vaxtı ilə saat 20:33-də (Bakı vaxtı ilə 00:33) qeydə alınıb. Zəlzələnin episentri Honsü adasındakı Hasaki yaşayış məntəqəsindən 120 kilometr şimal-şərqdə, ocağı isə 10 kilometr dərinlikdə yerləşib.
Tələfat və dağıntı barədə hələlik məlumat yoxdur.