Yunanıstan Fransadan hərbi gəmilər alır.
APA-nın AFP-yə istinadən verdiyi xəbərə görə, Fransa Prezidenti Emmanuel Makron bu razılaşmanı daha dərin strateji əməkdaşlığın bir hissəsi adlandırıb.
O bildirib ki, Yunanıstan Fransa istehsalı olan 3 “Belh@rra” freqatı (hərbi gəmi) alacaq. Bundan əlavə, yaxın gələcəkdə “Gowind” sinfindən olan 3 korvetin alınması barədə də razılığa gəlinib.
Parisdə səfərdə olan Yunanıstanın Baş naziri Kiriakos Mitsotakis Fransa Prezidenti ilə görüşündə razılaşmanın detallarını müzakirə edib.
Bildirilib ki, 5 milyard avroluq razılaşma bu gün tamamlanacaq, Yunanıstanın müdafiə və xarici işlər nazirləri qalan detalları müzakirə etmək üçün Parisdə səfərdədir.
Məlumata görə, üç freqat Loryendəki “Naval Group”un gəmiqayırma zavodlarında inşa ediləcək.