Futbol

Ana səhifə

Futbol

Liderlər büdrəyib, "Qalatasaray" zirvəyə yaxınlaşıb

09 fevral 2020 21:56 (UTC +04:00)

Türkiyə Superliqasında XXI turun oyunları davam edir.

Apasport.az saytının məlumatına görə, bu gün 3 qarşılaşma baş tutub.

Elitada qalmaq uğrunda mübarizə aparan "Kayserispor" onun üçün kritik oyunlardan birinə çıxıb. Kayserililər öz meydanlarında "Antalyaspor" üzərində qələbəni son dəqiqələrdə əldən veriblər. Bu, Robert Prosineçkinin kollektivinin son sıralardan qurtulmaq şansını bir qədər də azaldıb.

Turun mərkəzi görüşü Sivasda oynanılıb. Lider "Sivasspor" çempionluğu hədəfləyən rəqiblərindən olan "Başakşəhər"lə üz-üzə gəlib. Komandalar ikinci hissədə hərəyə 1 dəfə fərqlənməklə, 2 xal itiriblər.

Bu komandaların büdrəməsi "Qalatasaray"a zirvəyə yaxınlaşmaq şansı yaradıb. Superliqada qalmaq uğrunda mübarizə aparan "Kasımpaşa"nın qonağı olan "cim-bom" asan qələbə qazanaraq, liderlə aradakı xal fərqini 3-ə endirib.

Turun sabah keçirilməli olan "Göztəpə" - "Çaykur Rizəspor" matçı əlverişsiz hava şəraitinə görə təxirə salınıb.

Türkiyə Superliqası
XXI tur
9 fevral
"Kayserispor" - "Antalyaspor" - 2:2
Mensah, 41 (pen.); Pedro Enrike, 46 - Sinan Gümüş, 45+1 (pen.); Fredi, 83
"Sivasspor" - "Başakşəhər" - 1:1
Yatabare, 80 - Demba Ba, 66
"Kasımpaşa" - "Qalatasaray" - 0:3
Meria, 7 (avtoqol); Adəm Büyük, 21 (pen.), 43

1	Sivasspor	21	12	6	3	40-24	42
2	Trabzonspor	20	12	5	3	45-20	41
3	Başakşəhər	21	11	7	3	40-22	40
4	Alanyaspor	21	11	6	4	41-20	39
5	Qalatasaray	21	11	6	4	35-17	39
6	Fənərbaxça	21	11	5	5	40-24	38
7	Beşiktaş	21	11	3	7	34-27	36
8	Göztəpə	20	8	6	6	25-22	30
9	Qaziantep	21	7	6	8	31-35	27
10	Yeni Malatyaspor	20	6	6	8	34-29	24
11	Dənizlispor	21	6	6	9	21-29	24
12	Çaykur Rizəspor	20	7	3	10	21-30	24
13	Gənclərbirliyi	21	5	6	10	30-39	21
14	Konyaspor	21	4	8	9	16-27	20
15	Antalyaspor	21	4	7	10	20-38	19
16	Ankaragücü	21	3	8	10	18-37	17
17	Kasımpaşa	21	4	4	13	28-46	16
18	Kayserispor	21	2	6	13	21-54	12