“Yerli “Qarabağ” stadionunu ziyarət etdim. Hazırda “İmarət” stadionundayam”.
Apasport.az saytının məlumatına görə, bunu Azərbaycan millisinin baş məşqçisi Canni de Byazi instaqram səhifəsində paylaşımı zamanı yazıb.
AFFA-nın vitse-prezidenti Elxan Məmmədov və “Neftçi”nin yaponiyalı futbolçusu Keysuke Honda ilə birlikdə işğaldan azad olunan Ağdam rayonuna ziyarət edən italiyalı mütəxəssis təəssüratlarını bölüşüb.
O, “Qarabağ”ın tezliklə doğma məkanda meydana çıxacağına ümid etdiyini vurğulayıb: “Düzdür, məlum səbəblərdən burada yalnız xarabalıqları görə bilərik. Ancaq ümid edirəm ki, tezliklə “Qarabağ” burada yenidən qurulması lazım olan stadionda, yenilənmiş arenada oynaya biləcək”.
De Byazi səfər zamanı Milli Qəhrəman şəhid Allahverdi Bağırovun məzarını da ziyarət edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
